کراچی۔19مئی (اے پی پی)د پاکستان پيپلز پارټي صدر آصف علي زرداري او د پاکستان پيپلز پارټۍ چيئرمېن بلاول بهټو زرداري په مشرۍ کښې په بلاول هاؤس کراچۍ کښې د پاکستان پيپلز پارټۍ د مرکزي ايګزيکټيو کمېټۍ هايبرډ غونډه كښې د نهم مئي پيښو د غندنې قرارداد منظور كړے شو۔ په قرارداد کښې غوښتنه وشوه چې ذمه وار کسان دي انصاف سره مخ كړے شي او هغوي ته دې بشپړه سزا وركړې شي۔ د بلاول هاؤس ميډيا سيل لخوا جاري شوي بيان له مخې په قرارداد كښې وئيلي شوي چې د پاكستان پيپلز پارټي د هغو پېښو په سختو ټكو غندنه كوي كومې چې د مئي په 9مه نېټه د هېواد په بېلا بېلو ښارونو كښې رامخې ته شوې۔ په قرارداد كښې په سرګودھا كښې د شهيدانو ياد ګار ته زيان رسول ٬ جناح هاؤس ته اور لګول ٬ په دير كښې د اېف سي په قلعه بريد ٬ مردان كښې د كرنل شېر خان مجسمه ماتول ٬ د سوات موټروے ټول پلازه سوځول ٬ د پېنډۍ مېټرو سټېشن او د پېښور رېډيو سټېشن ته اور لګول ٬ په پېښور كښې چاغي ماډل ورانول او اېدھي اېمبولېنس تباه كول ٬ په كراچۍ كښې د مسافرو بسونه سوځول او په ګرد هېواد كښې په نجي ٬ سركاري او عسكري تنصيبات بريدونه د پاكستان رياست د عملدارۍ چېلنج كولو برابر كار وګرځولے شو۔ په قرارداد كښې ووئيل شول پاکستان پيپلز پارټي له لسيزو راهيسې د سياسي انتقام ښکار پاتې شوې بيا هم د ګوند كاركنانو د خپل مشرتابه لارښوونه عملي كړې او كله يۍ هم د تشدد لاره نه ده خپله كړې۔ ذوالفقار علي شهيد كړے شو ٬ مير شاهنواز او مير مرتضی بھټو شهيدان كړے شول٬ بېنظير بھټو شهيده كړې شوه خو پاكستان پيپلز پارټي د دې هر څه باوجود د پاكستان كھپے نعره پورته كړه او دا د ټولو سياسي ګوندونو كاركنانو له يو روښانه مثال دے۔ په قرارداد كښې د پي ټي آئي په دور كښې د پخواني صدر آصف علي زرداري بنديوانه كېدو او د مېرمنو څانګې مركزي مشرې فريال تالپور د نيمې شپې روغتون څخه زندان ته د منتقل كېدو ذكر كولو سره ووئيل شول د كوم هم سياسي جبر په نتيجه كښی پاكستان پيپلز پارټي هېواد او د هېواد ادارو ته زيان نه دے رسولے۔ په قرارداد كښې غوښتنه وکړې شوه چې د نهمې نیټې په پېښو كښې ككړ كسان دې انصاف سره مخ كړے شي او دوي ته دې بشپړه سزا وركړې شي۔
د پيپلز پارټي سي اي سي غونډه كښې د 9 مئي پېښو غندنې له قرارداد منظور كړے شو ٬ په پېښو كښې ككړو كسانو ته د سزا او انصاف سره د مخ كولو غوښتنه
مضمون کا ماخذ : لاٹری کے نتائج
متعلقہ مضامین
