اسلام آباد 19 مارچ (اے پي پي) د اطلاعاتو او خپرونو وفاقي وزير چوهدري فواد حسېن وئيلي دي چې عمران خان سره دوكه كوونكي به سپك شي، د مرورو غړو بېرته راتللو لپاره دروازې پرانستې دي، داسې نه شي كېدې چې د عمران خان په نوم ټاكنې وګټي او بيا لوټا جوړ شي، ټولې ادارې په يو پېج دي. ده دا خبرې د خالي په ورځ په خارجه دفتر كښې خبريالانو سره د غېر رسمي خبرو په مهال وكړې. د اطلاعاتو وفاقي وزير ووئيل چې چا ته دوكه وركول مناسب نه دي. ده ووئيل چې د توبې دروازه تل پرانستې وي، مونږ دا نه وايو چې خلق دې لازمي عمران خان ته ووټ وركړي، مونږ وايو چې وړومبې دې استعفٰی وركړي، بيا دې په خپلو سيمو كښې ټاكنې وكړي، ټاكنې دې وګټي او بيا دې ووټ وركړي خو داسې نه شي كېدې چې د عمران خان په نوم او د پي ټي آئي په ټكټ ټاكنې وګټي او بيا لوټې شي او پېسې اخستلو سره خپل ځان خرڅول پېل كړي. زمونږ ټولنه او سياست د دې اجازه نه وركوي. وفاقي وزير ووئيل چې اپوزيشن خواهش لري چې عمران خان بلېك مېل شي خو داسې به كله هم ونه شي. بايد په مسئلو خبرې وشي، اول مو هم وئيلي وو چې دومره تريخوالې دې پېدا نه كړې شي چې بيا يو بل سره كښېناستل مشكل شي. په سندھ هاٶس كښۍ چې پرون څه شوي، داسې كله هم د پي ټي آئي مشرانو نه دي غوښتي. ده ووئيل چېې د تاٶ تريخوالي كمولو ضرورت دے. ده ووئيل چې څنګه ن ليګ او پيپلز ګوند خپله پنځه كاله موده پوره كړې، بايد هم داسې د پي ټي آئي حكومت هم خپله موده پوره كړي. د اطلاعاتو وفاقي وزير ووئيل چې د سازشونو د لارې عمران خان نه شي لرې كېدے، اولس حق لري چې هغه څوك منتخب كړي. د يوې پوښتنې په ځواب كښې ده ووئيل چې په سندھ هاٶس كښې خلق بند كړے شوي دي. ټېليفونونه راځي چې مونږ دې بهر وويستلې شو. د يوې پوښتنې په ځواب كښې ده ووئيل چې مونږ خپله غونډه كوو او اپوزيشن دې خپله غونډه وكړي، كوم تصادم به نه كېږي، د آئين له مخې دا بنيادي حق دے. د يوې پوښتنې په ځواب كښې وفاقي وزير ووئيل چې د قومي اسمبلۍ د غونډې رابللو سپيكر وئيلي شي، ټولې ادارې په يو پېج دي.
عمران خان سره دوكه كوونكي به سپك شي، د مرورو غړو بېرته راتللو لپاره دروازې پرانستې دي، داسې نه شي كېدې چې د عمران خان په نوم ټاكنې وګټي او بيا لوټا جوړ شي، ټولې ادارې په يو پېج دي. چوهدري فواد حسېن
مضمون کا ماخذ : لکی لیڈیز چارم
متعلقہ مضامین
