اسلام آباد۔11مارچ (اے پی پی) داخله وزير شېخ رشيد احمد وئيلي دي چې بې باوري د جمهوريت برخه ده خو مخالفه ډله له دې څخه د تېښتې لاره خپلوي٬ د بې باورۍ تحريك نه وړاندې هغوي په اسلام آباد كښې كوم اړې ګړې رامخې ته كول غواړي ، زرداری او نواز شریف مولانا فضل الرحمٰن كاروي ٬ د ووټونو په ورځ به پارليمنټ هاؤس او لاجز رېنجرز او اېف سي ته سپارؤ٬ د ملیشیا په يونيفارم كښې راتلونكي به پرېښودلې نه شي ٬ د قانون خپل لاس كښې د اخستونكو په ضد به سخته كارروائي كولې شي۔ د جمعې په ورځ خبري كنفرنس ته خپله وېنا كښې هغه ووئيل تېره ورځ چې كومه پېښه رامخې ته شوه د هغې غندنه كوؤ،انصار الاسلام د آئین د آرټیکل 256 لمخې تحليل شوې دې، په پارلیمنټ لاجز كښې 362 كورنۍ استوګنه لري ، 50 كسان لاجز ته داخل كړې شول ٬ مونږ 5 ساعته مذاكرات وكړل، کامران مرتضیٰ پولیس سره ناوړه ژبه كارولې ده ٬ په پوليس تشدد شوې او 6 كسان ژوبل شوي دي، پوليس د دوئي زنه نيوله او منتونه ئې كول ٬ مونږ د چا په ضد د ترهګرۍ مقدمه نه ده جوړه كړې ٬ معمولي پرچې مو جوړې كړې ٬ كه قانون په لاس كښې واخستې شو نو بيا به پرچې د ترهګرۍ وي۔ داخله وزير ووئيل په اسلام آباد بهاره كهو كښې د پوليس په كارروائۍ كښې ترهګره ډله نيولې شوې ده۔ يره خپرول نه غواړم خو اطلاعات ښه نه دي ٬ اطلاعات دا دي چې مولانا فضل الرحمن او شېخ رشيد ته زيات خطر دے۔ شېخ رشید ووئيل د خېبر پختونخوا حكومت ته هدايت شوې دې چې څوك اسلام آباد ته بايد يونيفارم كښې رانشي ، څوك چې د مليشياﺀ په يونيفارم كښې اسلام آباد ته راشي هغه به پرېښودلې نه شي۔ هغه ووئيل مولانا ته خواست دې چې د مدرسې طالبعلمان نه كاروي، هغه د احتجاج كال بېرته اخستلو سره ښه كار وكړو۔ هغه ووئيل بلاول د وزيراعظم په ضد ناوړه ژبه كارولې۔ هغه ووې بې باوري د جمهوريت برخه ده خو مخالفه ډله له بې باورۍ څخه د تېښتې لاره خپلوي٬ د بې باورۍ تحريك نه وړاندې هغوي په اسلام آباد كښې كوم اړې ګړې رامخې ته كول غواړي ٬ كه په اسلام آباد كښې كومه پېښه رامخې ته شوه نو تاوان به ئې تاسو ته رسي، څوك چې قانون په خپل لاس كښې اخلي په ضد به ئې كارروائي كولې شي٬ دا خلك 172 كسان راوستلې نه شي ، مولانا فضل الرحمان د شمېرې خبره كوي ، شکر دې اوس ته دا خبره كوې چې پوځ نيوټرل دې٬ دې نه وروستو كه ستاسو 6 پارليماني غړي كم شي نو بيا مونږ ته مه وايه۔ هغه ووئيل مونږ په هېواد كښې امن غواړؤ۔ داخله وزير ووئيل دوئي اول په ستره دروازه قبضه وكړه بيا ئې خپل كسان دننه كړل٬ مونږ د 401 نمبر كمرې نه ځانله د بلې كومې كمرې دروازه نه ده ډبولې۔ 401 نمبر کمرې نه مو 20 كسان ونيول۔ هغه ووئيل په اپوزيشن بد وخت راروان دے ٬ دا خلك وزيراعظم سره ذاتي جنګ كوي ٬ كه دوئي 172 كسان پوره كولې نه شي نو په پخوانۍ تنخا دې كار كوي۔ د يوې پوښتنې په ځواب كښې داخله وزير ووئيل د يوكرېن او روسيه په جنګ كښې وزيراعظم غېر جانبدار پاتې شو۔ مونږ ټولو هېوادونو سره ښې اړيكې غواړؤ۔ په كومه ورځ چې په تحريك عدم اعتماد ووټنګ وي اپوزيشن ته به د پي ټي آئي نه زيات امنيت وركوؤ او هم په دغه ورځ به مونږ كاميابي ترلاسه كولو سره د شكريې نفل ادا كوؤ۔ د يوې پوښتنې په ځواب كښې داخله وزير ووئيل پولیس ډېر مظلوم وي۔ هغه ووئيل د مولانا فضل الرحمن په شمول د ټولو علماﺀ كرامو نامه احترام سره اخلم
مخالفه ډله له بې باورۍ تحريك څخه تېښته كوي ٬ داخله وزير شېخ رشيد احمد
مضمون کا ماخذ : وائکنگز گو برزرک
متعلقہ مضامین
