پېښور ۔2جنوری (اے پی پی)د كرك ضلعې په ټېري سيمه كښې د هندوانو مقدس ځائي شري پرم هنس مهاراج په سمادھي د خپلو مذهبي مراسمو ترسره كولو له د سوؤنو په شمېر هندو ياتريان راغلل۔ د مذهبي مراسمو ادا كولو له راغلې په 215 یاتریانو كښې 173بهرني وګړي كومو كښې چې د ګاونډي هېواد هند 159او پاتې بهر هېوادونو او د پاكستان بېلو سيمو سره تعلق لرونكي هندوان شامل دي۔ د هندو ورورولۍ قافله د خپلو مذهبي مراسمو ادا كولو له د واھګه پولې د لارې پاكستان او بيا د لاهور څخه د هوائي سفر د لارې پېښور ته رارسېدلې وه كومه چې وروسته په امنيتي حصار كښې د كرك ضلعې ټېري سمادھي ته ورسېده چرته چې د هندو ورورولۍ مذهبي مراسمو په موقعه د كرك پوليس لخوا د امنيت فل پروف انتظامات شوي۔ د كرك ډي پي او شفيع الله خان ګنډاپور د امنيتي وضعې نېغ په نېغه جاج اخلي۔ د هند څخه راغلې د هندوانو په شمول غېر ملكي ياتريانو په امنيتي انتظامامو ته د اطمينان څرګندونه او د پاكستان حكومت مننه وكړه۔ په دې موقعه هندو یاتریانو ووئيل مونږ په پروټوكول د پاكستان حكومت او د كرك پوليس د زړه د كومي نه مننه كوؤ۔ په دې موقعه د هندو كونسل پاكستان اېم اېن اے رمېش كمار د پوليس امنيتي انتظاماتو ستائنه كولو سره ووئيل د كرك پوليس خپلې ذمه وارۍ ايماندارۍ سره ترسره كړې دي٬ په دې مونږ ته ډېره خوشحالي شوې ده چې هغوي د مذهبي مراسمو ادا كولو لپاره مونږ ته يو امناكه چاپېرچل راكړو۔ هغه ووئيل په ټېري سمادھي د ياتريانو راتللو سره د دواړ هېوادونو ترمينځه د ملګرتيا او باور يو نوې باب پرانستلې كېدو والا دې كوم چې دواړو ګامونډي هېوادونو لپاره خوشبينه دې۔
کرک ټېري كښې د شری پرم هنس مهاراج په سمادھي د مذهبي مراسمو ادا كولو له د سوؤنو په شمېر هندو ياتريان راورسېدل
مضمون کا ماخذ : سشی ایکسپریس
متعلقہ مضامین
