اسلام آباد 31 اکتوبر (اے پي پي) د منصوبه بندۍ او پرمختګ وفاقي وزير احسن اقبال وئيلي دي چې د وزيراعظم شهباز شريف د چين دوره به دوه اړخيزه تجارتي اړيكې نوې لوړې كچې ته ورسوي٬ دواړه هېوادونه به د اربونو ډالرو يو شمېر منصوبې لاسليك كړي۔ د ګل په ورځ خبري كنفرنس ته خپله وېنا كښې ده ووئيل د وزيراعظم د چين دورې سره به د پاكستان كلن درآمداتو كښې سل بليونه ډالرو او د دې لا مخ په وړاندې بوتللو لپاره په روډ مېپ جوړولو كښې مرسته وشي۔ ده ووئيل د دورې په مهال به د پاكستان او چين ترمېنځه يوه لوظنامه لاسليك كېږي چې وسره به د موسم پحقله تكنيكي تجربه ترلاسه كړې شي٬ ده ووئيل په 27م اكتوبر د جے سي سي غونډه په عملي توګه شوې چې پكښې د سي پېك د منصوبو جاج اخستې شوې او دواړه ډلې د منصوبو دائره پراخه كولو او د سي پېك له مخې په منصوبو په بيړه كار كولو ته سلا شوې٬ په دې خبره هم سلا راغلې چې حتمي لوظنامه به د وزيراعظم شهباز شريف د چين دورې په مهال لاسليك كېږي۔ احسن اقبال ووئيل چې تر ټولو اهمه منصوبه د رېلوے اېم اېل ون ده ځكه چې اوسنې نظام زوړ شوې دې دې لپاره دا منصوبه به په هنګامي توګه پېل كولې شي۔ ده ووئيل د دورې په مهال به د كراچۍ حېدرآباد موټروے يو نوي روډ پراجېكټ هم لاسليك كېږي او د دورې نه پس به د كراچۍ او حېدرآباد ترمېنځه په نوې موټروے كار پېل كړې شي٬ دغسې د کراچۍ په کے سي آر پراجيکټ به هم د دورې په مهال لاسليك كېږي ۔ ده ووئيل د سي پېك له مخې د ډيره اسماعيل خان نه تر ژوب روډ پراجيکټ او د ميرپور مظفرآباد مانسهره په روډ پراجيکټ هم د لاسليك امكان دې٬ بابو سر ټنل پراجېكټ هم په سي پېك كښې شامل كړے شوے دے۔ ده ووئيل دواړه هېوادونه به په اسلام آباد كښې د نيشنل فرانزک ليبارټرۍ جوړولو په منصوبه هم لاسليك كوي دغسې چې جديد ټېكنالوجي كارولو سره د ترهګرۍ او انتها خوښۍ لاره نيولو لپاره د امنيتي ادارو مرسته وكړې شي۔
د وزيراعظم د چين دوره به دوه اړخيزه تجارتي اړيكې نوې لوړې كچې ته ورسوي٬ دواړه هېوادونه به د اربونو ډالرو يو شمېر منصوبې لاسليك كړي۔ د وفاقي وزير احسن اقبال خبري كنفرنس
مضمون کا ماخذ : لاٹری کے بہترین ٹکٹ
متعلقہ مضامین
