اسلام آباد۔22نومبر(اے پی پی)وزیر ا??ظم عمران خان افغانستان کیتے 5 ارب روپے دے امدادی پیکیج سودھا اہم درآمدات تے سیلز ٹیکس اچ کمی دی منظوری ݙے ݙتی اے۔ وزیرا??ظم آکھیے جو پاکستان دی سرحداں توں آوݨ آلے سارے افغان لوکاں دی مفت کوویڈ۔19 ویکسی نیشن جاری رہسی، پشاور توں جلال آباد بس سروس بحال کیتی ویسی، ڄڳ کوں افغانستان دی ہنگامی صورتحال دا نوٹس ڳھندے ہوئے انسانی ہمدردی سانڳے ہتھ ونݙاوݨا چاہیدے۔ اے ڳالھ انہاں افغانستان کیتے خصوصی بین الوزارتی رابط?? سیل دے دورہ اتے افغانستان سانڳے ایپکس کمیٹی دے اجلاس دی اڳواݨی کریندے آکھی۔ اجلاس اچ وزیر خارجہ شاہ محمود قریشی، مشیر خزانہ شوکت فیاض ترین، آرمی چیف جنرل قمر جاوید باجوہ، قومی سلامتی مشیر ڈاکٹر معید یوسف اتے اعلیٰ حک??م شرکت کیتی۔ مشیر برائے قومی سلامتی ڈاکٹر معید یوسف ایپکس کمیٹی کوں افغانستان دی مجموعی صورتحال تے تفصیلی بریفنگ ݙتی۔ اجلاس اچ افغانستان کیتے 5 ارب روپے دے امدادی پیکیج سودھا اہم درآمدات تے سیلز ٹیکس اچ کمی دی منظوری ݙتی ڳئی۔ انہاں امدادی اشیاء اچ 50 ہزار میٹرک ٹن کݨک، ادویات و میڈیکل سامان اتے ٻیا سامان شامل اے۔ اجلاس افغان لوکاں دی سہولت کیتے پاکستانی ویزا کوں سوکھا کرݨ اتے فوری اجرا سانڳے اقدامات دا فیصلہ کیتا ڳئے۔
وزیر اعظم عمران خان افغانستان کیتے 5 ارب روپے دے امدادی پیکیج، اہم درآمدات تے سیلز ٹیکس اچ کمی دی منظوری ݙے ݙتی
مضمون کا ماخذ : لوٹیریا سانتا کیٹرینا
متعلقہ مضامین
