اسلام آباد۔29نومبر (اے پی پی) نائب و??یراعظم اتے وزیر خارجہ سینیٹر محمد اسحاق ڈار 2 اتے 3 دسمبر کوں ??قت??ادی تعاون تنظیم (ای سی او ) دی وزرا کونسل دے 28 ویں اجلاس اچ شرکت کیتے مشہد ایران دا دورہ کریسن۔اے ڳالھ ترجمان دفتر خارجہ ممتاز زہرہ بلوچ جمعے کوں ہفتہ وار پریس بریفنگ اچ ݙسائی۔ انہاں آکھیا جو نائب و??یر اعظم اجلاس اچ ای سی او چارٹر بارے پاکستان دے عزم دا اعادہ کریسن اتے ای سی او خطے اچ ودھ توں ودھ رابطے دے امکانات کوں اجاگر کریسن۔ او آپݨے خطاب اچ ای سی او خطے دی ??قت??ادی صلاحیت ودھاوݨ کیتے سڑکاں اتے ریل نیٹ ورکس دی ترقی، ویزا نظام کوں نرم کرݨ اتے سرحدی طریقہ کار کوں سوکھا کرݨ تے زور ݙیسن۔ ترجمان آکھیا جو اڄوکی صورتحال تے علاقائی امن تے سلامتی کوں لاحق خطے بارے پاکستان دے تحفظات بارے ݙسیسین۔ نائب و??یراعظم ای سی او کلین انرجی سنٹر دے چارٹر تے دستخط کریسن اتے ای سی او ملکاں دے وزرا نال ملاقاتاں کریسن۔
نائب وزیراعظم اسحاق ڈار 2 ، 3 دسمبر کوں ایران اچ ای سی او دی وزراکونسل دے اجلاس اچ شریک تھیسن
مضمون کا ماخذ : نتیجہ ڈوپلا سینا
متعلقہ مضامین
