اسلام آباد 30 مارچ (اے پي پي) د اطلاعات او خپرونو وفاقي وزير چوهدري فواد حسېن وئېلي دي عمران خان استعفٰی نه وركوي٬وزيراعظم عمران خان به د هېواد او قام لپاره جنګ كوي٬د كابينې غړي د خط مندرجات څخه خبر كړے شوي ٬خط به د پارليمان په ان كيمره غونډه كښې وړاندې كولې شي٬دا ډول ژبه٬دړكې او پلان په دې خط كښې شته كوم چې د يو هم هېواد لپاره د قبلولو وړ نه دي۔ شورو په ورځ مېډيا سره په خبرو كښې د اطلاعات او خپرونو وفاقي وزير چوهدري فواد حسېن ووئيل د خط په اړه د كابينې خاص غونډه رابللې شوې وه كومه كښې چې د كابينې غړي د خط مندرجات څخه خبر كړے شوي ۔ده ووئيل د آفيشل سېكرټ ايكټ له مخې د خط مندرجات د وفاقي كابينې سره شيئر كولې شي۔ده ووئيل مونږ د خط ځينې برخې د فارن افيئرز پروګرام كوونكو مېډيا اينكرز سره هم شيئر كړي۔راتلونكې پړاؤ كښې به دا خط د پارليمان په وړاندې ان كيمره غونډه كښې اېښودلې شي۔ده ووئيل دا ډول ژبه٬دړكې او پلان په دې خط كښې شته كوم جې د يو هم هېواد لپاره د قبلولو وړ نه دي ۔ده ووئيل د خط زيات تفصيلات بيانول نه غواړم٬دا به په پارليمان كښې ان كيمره غونډه كښې وړاندې كوو۔ده ووئيل عمران خان به د پاكستان اولس او پاكستان حرمت لپاره جنګېږي۔ده ووئيل د وزيراعظم عمران خان سره د پاك پوځ سرلښكر ملاقات شوے۔د عمران خان څخه چا هم استعفٰی نه ده غوښتې او نه به هغه استعفٰی وركړي۔چوهدري فواد حسېن ووئيل د لوبې تر آخري بال به لوبېږو۔دا مهال صورتحال د 1992 ورلډ كپ پشان دے٬ښكاري داسې چې مونږ وروستو يو خو اصل كښې مونږ وروستو نه يو۔ده ووئيل زمونږ لائن ډېر واضحه دے٬مونږ د ادارو احترام كوو او هغوي سره د تللو ته ترجيح وركوو٬د نواز شريف مسئله دا وه چې هغه هغه د ادارو فتح كولو په چكر كښې ؤ ۔ده ووئيل پوځ د پاكستان د تحفظ ضامن دے٬مونږ ادارو سره په ګډه په كار كولو ښه پوهېږو۔د يوې پوښتنې په ځواب كښې ده ووئيل د عمران خان د استعفٰی كوم آپشن نشته٬هغه استعفٰی نه وركوي
عمران خان استعفٰی نه وركوي٬وزيراعظم عمران خان به د هېواد او قام لپاره جنګ كوي٬د كابينې غړي د خط مندرجات څخه خبر كړے شول ۔د اطلاعات او خپرونو وفاقي وزير چوهدري فواد حسېن مېډيا سره خبرې
مضمون کا ماخذ : ریل رش
متعلقہ مضامین
