اسلام آباد۔26نومبر(اے پی پی) د داخله چارو وفاقي وزير محسن نقوي وئيلي دي د مظاهرچيانو په هر صورت مخنيوي له اسلام آباد پوليس ته بشپړ اختيارات وركړې شوي ٬ حكومت ځاني زيان نه غواړي٬ د ګولۍ ځواب په ګولۍ د نه وركولو دې هره ممكنه هڅه وكړې شي ، په طاقت كارولو د ځاني زيان اندېښنه ده٬ د دې احتجاج په شا چې كوم هم عناصر او محركات دي هغه به ډېر زر د كوټلو ثبوتونو سره اولس ته وړاندې كړؤ٬ يو پټ لاس د پي ټي آئي پاتې قيادت صفر كړے٬ پي ټي آئي مونږ سره پرېكړه وكړي او بيا منكر شي۔ ده د نهې په ورځ د ډي چوك دورې په موقع ميډيا سره خبرې كولې۔ آئي جي اسلام آباد سیدعلی ناصر رضوي ، چیف کمشنر اسلام آباد اېم علی رندھاوا ، ډپټی کمشنر عرفان نواز مېمن هم دوئي سره وؤ۔ وفاقی وزیر ووئيل پاكستان تحريك انصاف دوه وارې د سنګجانی په مقام احتجاج كولو ته چمتو شوے ؤ٬ دې مقصد لپاره سيز فائر وشو او لارې مونږ دغې ځاے ته تللو له پرانستلې وې۔ ده ووئيل د يو كلوميټر په مسافت د يو هېواد مشر د مېلمه په حېث موجود دے٬ دا شېلنګ او د ھنګامو فوټېج د كوم بل هېواد نه بلكې د خپل هېواد بدنامي ده۔ مظاهرچينان نه يوازې اوښوكې بھيوؤنكې ګازونه لري بلكې هغوي لويې لويې پكي هم راوړي دي كومو سره چې هغوي د پوليس لخوا د ويشتلې شوي شېلونو لوګې بېرته پوليس پلو ګرځوي۔ داخله وزير ووئيل تر دې دمه 4 سکیورټی اهلکار شهید او د ایس پی او 4 اے اېس پیز په شمول 80 څخه زيات اهلكار ژوبل شوي دي په كومو كښې چې د 10 ځوانانو حالت اندېښمن دے۔ ده ووئيل آئي جي اسلام آباد پوليس ته بشپړ اختيار وركړے شوے چې هغه په هر صورت مظاهرچينان منع كړي۔ د يوې پوښتنې په ځواب كښې داخله وزير ووئيل پی ټی آئی درې څلور قافلې راوستې وې كومې چې په ګډه اسلام آباد ته راننوتلې دي٬ په دوئي كښې 2 زره تربيه شوي كسان دي كوم چې په ګوته كړې شوي۔ پنجاب څخه يو كس هم نه دے راغلے٬ ټول دكے پي كے څخه راغلې دي۔ د يوې پوښتنې په ځواب كښې ده ووئيل ما كله هم دا ادعا نه وه كړې چې مظاهرچيان به ډي چوك ته نه رسي۔ تل مې دا خبره كړې چې د هغوي مخه به نيسؤ۔ ده ووئيل مونږ ګولۍ كارول نه غواړؤ ٬ كه په ډي چوك مو طاقت كارول پېل كړو نو ټول به وتښتي خو په دې كښې ځاني زيان هم كېدے شي۔ د يوې پوښتنې په ځواب كښې ده ووئيل د پاک پوځ ذمه واري په پاكستان كښې د موجود بهرني مشر ٬ د هغه د پلاوي ٬ د رېډ زون او مهمو ودانيو امنيت باوري كول دي
د مظاهرچيانو په هر صورت مخه نيولو له آئي جي اسلام آباد پوليس ته بشپړ اختيارات وركړے شوي: داخله وزير محسن نقوي
مضمون کا ماخذ : prêmios raspadinha
متعلقہ مضامین
