اسلام آباد 29 جنوري (اے پی پی) د كورنيو چارو نګران وفاقي وزير ډاكټر ګوهر اعجاز وئيلي دي د وفاقی پايه تخت د 13 تهاڼو د رنګ او ښكلا كار پيل شوے ،په 30 ورځو كښې به د اسلام آباد دغه تهاڼې د سټيټ آف دي آرټ په توګه رامخې ته كړې شي،د اولس د مال او ځان تحفظ ، امن او امان باوري كولو سره سره د پولیس تشخص ښه كولو ته پام لرنه كوو،د اسلام آباد روغتونونه مثالی جوړولو په ایجنډا عمل كوو،د اسلام آباد اولس له به هغه آسانۍ وركولې شي د كومو چې هغوې مستحق دي۔ده د ګل په ورځ د ګولړه تهاڼې ودانۍ د بنياد تيګه اېښودو دستورې ته وينا كوله۔د اسلام آباد پولیس آئی جی ډاكټر اکبر ناصرخان، ډی آئی جی ، اېس اېس پیز پشمول نور اعلی پولیس افسران ،د انجمن تاجران نمائندګان او د سيمې مشران هم په دې موقع موجود وو۔د كورنيو چارو نګران وزير ډاكټر ګوهر اعجاز ووئيل وزیراعظم چې كله ما ته د كورنيو چارو وزارت امانت اوسپارلو نو په وړومبۍ ورځ ما د آئی جی پولیس او کمشنر اسلام آباد سره ملاقات كښې هغوې څخه مسئلې وپوښتلې ۔ پولیس چارواكو څخه پوښتنه شوې چې خپل فورس له څه څه آسانۍ وركول دي او څه ډول به د هغوې حالات ښه شي۔د اسلام آباد آئي جي وئيل د اسلام آباد 26 تھاڼو كښې د 13 تھاڼو حالات داسې دي چې د كورنيو چارو وزير په حيث هلته تاسو دوره هم نه شي كولې ۔ نګران وزیر ډاكټر ګوهر اعجاز ووئيل په دې صورتحال د كورنيو چارو سيكرټري او نور چارواكو ته سپارښتنه شوې چې د اسلام آباد د هغه تهاڼو په سمدستي توګه د ښكلا كار پيل كړئ او كوم به چې په 30 ورځو كښې بشپړولې شي۔ده ووئيل د اسلام آباد د روغتونونو صورتحال جاج اخستو لپاره ما دوره كړي هلته حالات د كتلو نه ؤ۔ موجودہ محدود وخت کښې دننه د اسلام آباد پمز او پولی کلینك روغتونونه به هم بهتر كولې شي۔
د اسلام اباد 13 تھاڼې به په 30 ورځو كښې د سټېټ اف دي ارټ په توګه رامخې ته كړې شي ۔ د كورنيو چارو نګران وزير ډاكټر ګوهر اعجاز دستورې ته وينا
مضمون کا ماخذ : dupla sena acumulada
متعلقہ مضامین
