گڏيل قومون-19 سيپٽمبر (اي پي پي) گڏيل قومن ۾ پاڪستان جي مستقل نمائندي منير اڪرم چيو آهي ته ڪالعدم تحريڪ طالبان پاڪستان (ٽي ٽي پي) وڏي دهشتگرد تنظيم آهي، جيڪا پاڪستان جي وڏن دشمنن جي سرپرستيءَ سان ملڪ ۾ دهشتگرد حملا ڪري رهي آهي ۽ پاڪستان ٽي ٽي پي جي خطرن کي مُنهن ڏيڻ لاءِ علائقائي ۽ عالمي ادارن جي سهڪار سان قومي سطح تي قدم کڻندو. گڏيل قومن جي سلامتي ڪائونسل جي اجلاس ۾ پنهنجن خيالن جو اظهار ڪندي هن چيو ته دنيا کي افغانستان ۾ ۽ افغانستان مان ٿيندڙ دهشتگرديءَ جي سنگين خطرن کان خبردار ڪندي ان ڳالهه جي نشاندهي ڪئي آهي ته گڏيل قومن جي مانيٽرنگ ٽيم جي 34هين رپورٽ افغانستان مان ٿيندڙ دهشتگرديءَ جي پريشان ڪُن رُخ تي خاطرخواه روشني وڌي آهي. ٽي ٽي پي پاران علائقائي عدم استحڪام پيدا ڪرڻ جي نشاندهي ڪندي پاڪستاني سفير چيو ته ٽي ٽي پي تيزيءَ سان هڪ اهڙي دهشتگرد گروهه طور اُڀري رهيو آهي جنهن جي سرپرستيءَ ۾ ٻيا گروهه شامل ٿي رهيا آهن. هن خبردار ڪيو ته القاعده سان ان جي ڊگهي وابستگي کي ڏسندي ٽي ٽي پي کي القاعده جي علائقائي ۽ عالمي دهشتگردي جي مقصدن جي قيادت سنڀالڻ ۾ وڌيڪ وقت نه لڳندو. هن زور ڀريو ته ويجهڙ ۾ ٽي ٽي پي جي خطرن کي مُنهن ڏيڻ جي باري ۾ هاڻ کان ئي فڪر ڪرڻ گهرجي. هن چيو ته پاڪستان ٽي ٽي پي جي خطرن کي ختم ڪرڻ جي حواليس سان علائقائي ۽ عالمي ادارن جي تعاون سان قومي سطح تي قدم کڻندو. پاڪستاني سفير افغانستان ۾ امن ۽ استحڪام جي حمايت لاءِ پاڪستان جي ع??م جو ورجاءُ ڪيو جيڪو افغانستان جي پاڙيسري ملڪن ۽ عالمي برادري جي سياسي شموليت کي هٿي ڏيڻ جي گڏيل خواهشن جي ترجماني ڪري ٿو. هن چيو ته پاڪستان کي پختو يقين آهي ته اهڙي شموليت افغانستان ۾ استحڪام ۽ حالتن جي معمول جي امڪانن کي بهتر بنائڻ لاءِ انتهائي اهم آهي. هن عارضي حڪومت طرفان خاص طور تي عورتن ۽ ٻارڙين خلاف جاري انساني حقن جي ڀڃڪڙين تي ڳڻتيءَ جو اظهار ڪيو. هن چيو ته افغانستان جي عارضي حڪومت نه صرف عورتن ۽ ٻارڙين بابت پنهنجن وعدن کان انڪار ڪيو آهي پر انهن جي آواز کي دٻائڻ جي مقصد سان نيون هدايتون جاري ڪري صورتحال کي وڌيڪ خراب ڪري ڇڏيو آهي. منير اڪرم چيو ته پاڪستان انهن قدمن جي مذمت ڪري ٿو. هن چيو ته جيتوڻيڪ اسان افغان طالبان جي حڪومت سان تعميري رابطن لاءِ پُرعزم آهيون پر اهو واضح ناهي ته کين پنهنجي ذميدارين کان بچڻ لاءِ علائقائي ۽ عالمي حالتون متاثر ڪرڻ جي اجازت نه ڏيڻ گهرجن. هن طالبان جي اقتدار سنڀالڻ جي 3 سالن کانپوءِ افغانستان ۾ جاري انساني بحران تي به ڳڻتيءَ جو اظهار ڪندي چيو ته 2 ڪروڙ 37 لک افغانين کي انساني امداد جي سخت ضرورت آهي ۽ پاڪستان عالمي برادري تي زور ڀريندي چيو آهي ته هو بنا ڪنهن شرط جي انهن جي مدد ڪري. هن چيو ته افغان هيومينيٽرين نيڊز اينڊ ريسپانس پلان جنهن لاءِ 3.06 ارب ڊالرن جي امداد گهربل آهي، جيڪو گهربل فنڊز جو 25 سيڪڙو کان به گهٽ وصول ٿيو آهي. اها ??الهه ضروري آهي ته افغان عوام جي ڏُکيائين کي گهٽ ڪرڻ لاءِ فنڊنگ جي سمورن امڪاني ذريعن کي متحرڪ ڪيو وڃي. هن افغانستان جي معاشي بحاليءَ لاءِ پاڪستان جي حمايت جو ورجاءُ ڪيو ۽ افغان بئنڪاري نظام جي بحالي، ليڪوڊٽي بحران حل ڪرڻ ۽ افغانستان جا قومي ذخيرا بحال ڪرڻ لاءِ ضروري حالتون پيدا ڪرڻ جي فوري ضرورت کي به ا??اگ?? ڪيو. هن چيو ته پاڪستان افغانستان سان واپاري لاڳاپن کي هٿي ڏيڻ لاءِ پُرعزم آهي ۽ علائقائي انفراسٽرڪچر ۽ ڪنيڪٽوٽي جي منصوبن کي لاڳو ڪرڻ ۾ مُک شراڪتدار آهي جنهن سان خطي ۾ اقتصادي استحڪام ۽ ترقيءَ ۾ واڌ ٿيندي. پاڪستاني سفير اي آءِ جي تي زور ڀريو ته هو پنهنجي عالمي ذميدارين جي تعميل ڪري ۽ خبردار ڪيو ته اندروني، علائقائي ۽ عالمي عدم استحڪام کي هٿي ڏيڻ وارين پاليسين ت?? عمل کي روڪڻ ضروري آهي.
پاڪستان ٽي ٽي پي جي خطرن کي مُنهن ڏيڻ لاءِ علائقائي ۽ عالمي ادارن جي سهڪار سان قومي سطح تي قدم کڻندو: منير اڪرم
مضمون کا ماخذ : تھنڈرسٹرک II
متعلقہ مضامین
