اسلام آباد۔13اکتوبر(اے پی پی) نائب وزیراعظم تے وزیر خ??رج?? محمد اسحاق ڈار آکھیے شنگھائی تعاون تنظیم (ایس سی او) اجلاس دے انعقاد سانڳے سارے اداریں تے محکمیں سانجھے تعاون نال بہترین انتظامات کیتن ، پاکستان علاقائی تعاون تے رابطے دے ودھارے سانڳے پرعزم اے، پائیدار ترقی سانڳے خطے اچ امن و استحکام ضروری اے،ھک سیاسی جماعت احتجاجی کال ݙے تے ایس سی او کوں سبوتاژ کرݨ دیا?? کوششاں اچ مصروف اے، قومی اہمیت دے ایونٹ دےموقع تے احتجاج مثبت پیغام کائںی، پی ٹی آئی کوں احتجاج دی کال واپس گھنݨی چاہیدی اے ۔ اے ڳالھ انھاں اتوار کوں اتھاں میڈیا نال ڳالھ مہاڑ کریندے آکھی اے ۔ وفاقی وزیر اطلاعات و نشریات عطاءاللہ تارڑ وی انھاں دے رلے ہن ۔ایندے توں پہلے ایس سی او سربراہ کانفرنس دے انتظامات دا جائزہ گھنݨ سانڳے واک دا اہتمام کیتا ڳئے،نائب وزیراعظم اتے وزیر خ??رج?? محمد اسحاق ڈار تے وفاقی وزیر اطلاعات و نشریات عطاءاللہ تارڑ واک دی قیادت کیتی۔ایں موقع تے میڈیا نال ڳالھ مہاڑ کریندے نائب وزیراعظم تے وزیرخ??رج?? اسحاق ڈار آکھیے پاکستان ایس سی او سربراہ اجلاس دے شرکاءدے خیرمقدم سانڳے تیار اے ،ایس سی او اجلاس اچ رکن اتے مبصر ملکاں دے سربراہان اتے مندوبین شریک تھیسن ، بھارت دے وزیر خ??رج?? وی ایس سی او کانفرنس اچ شرکت کریسن۔ انہاں آکھیے کئی سال بعد پاکستان وݙے عالمی ایونٹ دی میزبانی کریندا پئے تے شاندار میزبانی دی ذمہ واری چنڳے طریقے نال انجام ݙیسن ۔ انہاں آکھیے چین دے وزیراعظ?? پاکستان دا ݙوطرفہ دورہ کریسن، بھارتی وزیر خ??رج?? دی طرفوں ݙوطرفہ ملاقات دی کوئی درخواست کائنی ملی ، ایس سی او سیکریٹری جنرل میڈیا کوں کانفرنس بارے بریفنگ کریسن۔ اسحاق ڈار آکھیے جو وزارت اطلاعات، وزارت خ??رج?? ، سودھے سارے اسٹیک ہولڈرز ایس سی او دیاں تیاریاں اچ آپݨی ذمہ واریاں انجام ݙتن ، انھاں ساریں دا مشکور ہاں،سارے اداریں تے محکمیں سانجھے تعاون نال بہترین انتظامات کیتن۔ انہاں آکھیے ھک سیاسی جماعت 2014ءاچ وی چینی صدر دے دورہ تے دھرنا ݙتا ہئی ، ھک سیاسی جماعت احتجاج دی کال ݙے تے ایس سی او کوں سبوتاژ کرݨ دی کوشش اچ مصروف اے، قومی اہمیت دے ایونٹ دے موقع تے احتجاج مثبت پیغام کائنی، اہم موقع تے احتجاج اوں سیاسی جماعت دا وطیرہ اے، ملکی مفاد اچ پی ٹی آئی کوں 15 اکتوبر دے احتجاج دی کال واپس گھنݨی چاہیدی اے ، غلطیاں دوہراوݨ دی بجائے اے لوک آپݨی اصلاح کرن ۔ نائب وزیراعظم آکھیے 2021ءتوں افغانستان ایس سی او اجلاساں اچ شریک نی تھیا ۔ ایس سی او اجلاس دی کوریج سانڳے وزارت اطلاعات اتے پاکستان ٹیلی ویژن دے انتظامات قابل ستائش ہن، پاکستان علاقائی تعاون تے رابطے دے ودھارے سانڳے پرعزم اے ، پائیدار ترقی سانڳے خطے اچ امن و استحکام ضروری اے۔ اسحاق ڈارآکھیے پاکستان دی عالمی سطح تے کلھا تھیو دے مفروضے دم تروڑ ڳئن ، ملائیشیا دے وزیراعظم تے سعودی وفد دے دورے کامیاب رہئن ،پاکستان سارے عالمی فورمز تے فلسطین تے کشمیر دے جھیڑی?? کوں چاتے اتے فلسطینیاں سانڳے امداد بھیجݨ دا سلسلہ جاری اے
ایس سی او اجلاس سانڳے سارے اداریں تے محکمیں سانجھے تعاون نال بہترین انتظامات کیتن، پاکستان علاقائی تعاون اتے رابطے ودھاوݨ سانڳے پرعزم اے، اسحاق ڈار
مضمون کا ماخذ : لاٹری کے اعداد و شمار
متعلقہ مضامین
