اسلام آباد۔10جون (اے پی پی):وفاقی وزیرخزانہ ومحصولات شوکت ترین آکھیے جو حکومت تنخواہ دار تے غریب طبقے تے ٻوجھ کائناں پیسی ۔برآمدات تے پیداوار اچ ودھارے کیتے جامع م??صوبہ بندی کوں اڳوں تے ودھیسوں ، حکومت کوویڈ19دے حوالے نال دانش مندانہ پالیسیاں اپنائیاں اتے کورونا وائرس دے اث??ات کوں گھٹ یا زائل کیتا ،میگااقتصادی پیکج دے تحت خصوصی مراعات توں وݙیاں صنعتاں دی پیداواراچ 9 فیصد اتے زراعت اچ 2.77فیصددی بڑھوتری تھئی، کݨک ، چاول، مکئی اتے کماند دی بمپرپیداوارحاصل تھئی، مالی سال دے پہلے 11 مہینے اچ ترسیلات زردی مداچ 26 ارب ڈالرحاصل تھئن تے سال دے اختتام تے یہ 29 ارب ڈالرتھی ویسن ، ترسیلات زراچ ودھارے وزیراعظم عمران خان تے ٻاہرلے ملک رہݨ آلے پاکستانیاں دے اعتماد دا مظہر اے ، آندے مالی سال کیتے محصولات داہد?? 5800 ارب روپے رکھیا ویندا پئے ۔ خمیس کوں اتھاں قومی اقتصادی سروے 2020-21 دے اجرا دے موقع تے وفاقی وزیرمخدوم خسروبختیار،مشیرتجارت عبدالرزاق داؤد، ڈاکٹرثانیہ نشتر، اورمعاون خصوصی ریونیو ڈاکٹروقار مسعوددے رلے پریس کانفرنس کریندے ہوئیں .وفاقی وزیر خزانہ شوکت ترین آکھیے جو کورونا وائرس دی خوفناک وبا تے ایندے منفی اث??ات دے باوجود حکومت دیاں موثر پالیسیاں توں قومی معیشت مستحکم تھیوݨ شروع تھی ڳئی اے ،وبا دے دوران مینوفیکچرنگ، ٹیکسٹائل، زراعت اتے تعمیراتی شعبے کوں مراعات ݙتیاں ڳئن ، اڄوکے مالی سال دے دوران لارج سکیل مینوفیکچرنگ دے شعبے دی نمو 9 فیصد، زراعت دی 2.77 فیصد اے، ڳنے، چاول، کݨک تے ٻیاں فصلاں دی ریکارڈ پیداوار تھئی اے، ترسیلات زر اچ وی ریکارڈ ودھارا تھئے تے اے 20 ارب ڈالر توں ودھ ڳئن ، مالی سال دے چھیکڑ تک 29 ارب ڈالر تئیں ونڄ سڳدی اے ۔ انہاں آکھیے جو پاکستان پہلے خوردنی چیزاں برآمد کرݨ آلا ملک ہئی ، ہݨ ہم درآمد کرݨ آلا ملک بݨ ڳئے ، اجوکے مالی سال دے دوران برآمدات اچ ودھ ڳئن ، ترسیلات زر اچ ودھار توں اے ڳال ثابت تھیندی اے جو ٻاہرلے ملک رہݨ آلے پاکستانی وزیراعظم عمران خان نال خاص لگائو رکھدن ، کرنٹ اکائونٹ خسارہ اساݙا ݙاہ مہینے توں سرپلس اے، فنانشنل ایکشن ٹاسک فورس دے اڳلے جائزے اچ اساکوں ریلیف مل سڳدے ، ایف بی آر دی ٹیکس وصولی اچ اڄوکے مالی سال دے 11 مہینے اچ بہتری آسی اے 4.2 ٹریلین تھی ڳئی ۔جیڑھے پچھلے سال توں ودھ ہن ۔ انہاں آکھیے جو اڳلے مالی سال دا ٹیکس وصولی دا ہدف 58 کھرب روپے رکھیا ڳئے، پرائمری بیلنس پنج سال اچ پہلی واری سرپلس تھئے ، پاکستان کݨک ، کھنڈ گھیو تے دالاں درآمد کریندا پئے ، عالمی مارکیٹ اچ انہاں چیزاں دی جیڑھی قیمت ہوسی ایندے اث??ات اساں تے وی پوسن۔ انہاں آکھیے جو کھنڈ دی قیمت 12 مہینے اچ عالمی مارکیٹ اچ 58 فیصد ودھی اے ، اساں صرف 19 فیصد د?? ودھارا کیتے ، پام آئل دی قیمت عالمی منڈی اچ 102 فیصد ودھی ہے، اساں صرف 20 فیصد د?? ودھارا کیتے، عالمی منڈی اچ سویابین آئل دی قیمت 119 فیصد ودھی اے اساں صرف 23 فیصد ودھائی، خام تیل دی قیمت اچ عالمی منڈی اچ 119 فیصد د?? ودھارا تھئے اساں صرف 32 فیصد قیمت ودھائی ۔ انہاں آکھیے جو زراعت دی ترقی تے خصوصی توجہ ݙیوݨ دی لوڑھ اے ،حکومت ایں تے اقدامات کریندی پئی اے جیں توں آڑھتی توں کاشتکاراں دی جان چھٹ ویسی، انتظامی ڈھانچے کوں بہتر بݨاوݨا پوسی ، پاکستان دی سٹاک مارکیٹ دنیا دی چوتھی وݙی تے ایشیا دی بہترین سٹاک مارکیٹ اے۔ اڄوکے سال مارچ دے چھیکڑ تئیں ملک دا مجموعی قرضہ 38 ٹریلین روپے اے، 21۔ 2020 اچ ایندے توں پچھلے مالی سال دے مقابلے اچ 17کھرب د?? ودھارا تھئے۔ وزیر خزانہ آکھیے جو تلویں طبقے کوں سہولتاں ݙیوݨ کیتے احساس پروگرام ھک بہترین پروگرام اے تے عالمی بینک وی ایندی تعریف کیتی اے ۔
حکومت غریب اتے تنخواہ دارطبقے تے ٻوجھ کائناں پیسی ، وزیرخزانہ شوکت ترین دی قومی اقتصادی سروے دے اجرا تے پریس کانفرنس
مضمون کا ماخذ : ڈریگن کی قسمت
متعلقہ مضامین
