لاهور 12 فروري (اے پي پي) د اطلاعاتو او خپرونو وزير مملكت فرخ حبيب وئيلي دي چې وزيراعظم عمران خان د كرپشن د خاتمې جنګ كوي، ټوله ټولنه دې په دې جنګ كښې د وزيراعظم ملګرتيا وكړي، اپوزيشن دې د حكومت په ضد د عدم اعتماد تحريك راوړلو نه وړاندې خپل كسان خو پوره كړي، د يو بل په ضد خبرې كوونكي خپلو ګټو لپاره نن يو ځل بيا يوځائ كېږي. ده دا خبرې د خالي په ورځ په لاهور ګورنر هاٶس كښې د پي اېف يو جے غړو ته په خپله وېنا او مېډيا سره د خبرو په مهال وكړې. د اطلاعاتو او خپرونو وزير مملكت فرخ حبيب ووئيل چې د مسلم ليګ ن مشرانو په خپل دور كښې كرپشن كړے، د رمضان شوګر ملز په 10 ، 15 زره روپې مياشتنې تنخا د كار كوونكو ملازمينو اكاٶنټس ته اربونه روپې د كوم ځائ نه راتللې. ده ووئيل چې كله ټوله كورنۍ غلا كولو سره بهر لاړه شي نو دوي ته خو به ځواب وركول وي. د شهباز شريف او زرداري د ملاقات په اړه وزير مملكت ووئيل چې د زرداري شهباز شريف ملاقات يوازې خپلو ګټو لپاره دے. د اطلاعاتو وزير مملكت خبريالان مخاطب كولو سره ووئيل چې دوي دې په حكومت او د حكومت په كاركردګۍ مثبت تنقيد وكړي، مونږ به ئې قبلوو. د مېډيا آزادې په اړه ده ووئيل چې حكومت د صحافت په آزادې باور لري.
وزيراعظم عمران خان د كرپشن د خاتمې جنګ كوي، ټوله ټولنه دې په دې جنګ كښې د وزيراعظم ملګرتيا وكړي. د اطلاعاتو او خپرونو وزير مملكت فرخ حبيب
مضمون کا ماخذ : فنکی پھل
متعلقہ مضامین
