گوادر ۔ 29 جنوری (اے پی پی) وزیراعظم شاہد خاقان عباسی گوادر فری ز??ن دے پہلے فیز دا افتتاح کرڈتا جیرھا جو پاک چین اقتصادی راہداری دا اہم منصوبہ ہے۔ وزیراعظم فری ز??ن دا افتتاح ہک خصوصی تقریب دے دوران کیتا جیرھی جو سنوار کوں گوادر پورٹ سٹی اچ منعقدتھی۔ تقریب اچ چینی حکومت اتے علاقائی ریاستاں دے نمائندیں وی شرکت کیتی ۔ صدر آزاد جموں و کشمیر سردار مسعود خان، وزیراعلیٰ بلوچستان عبدالقدوس بزنجو، وزیر داخلہ احسن اقبال، میری ٹائم دے وزیر میر حاصل بزنجو، وزیر مملکت اطلاعات و نشریات مریم اورنگزیب، وزیراعظم دے معاون خصوصی مصدق ملک، چیئرمین جوائنٹ چیفس آف سٹاف کمیٹی جنرل زبیر محمود حیات، چیئرمین چائنہ اوورسیز پورٹ ہولڈنگ کمپنی ژانگ باﺅ ژونگ، چیئرمین گوادر پورٹ اتھارٹی دوستین خان جمالدینی، پاکستان اچ چین دے سفیر ژاﺅ جنگ تے پاکستان تے چین دیاں 93 توں ودھ کمپنیاں دے نمائندیں تے سرمایہ کاراں شرکت کیتی۔ وزیراعظم چیئرمین جوائنٹ چیفس آف سٹاف کمیٹی، صدر آزاد کشمیر اتے بئیں دے نال سانجھے طور تے بٹن دبا تے ہک وڈے رتے تے ساوے بٹن دے بینر دی نقاب کشائی کیتی جیرھی جو اقتصادی فری ز??ن دے مرکزی دروازے تے نصب ہن۔ ایں موقع تے پاکستان تے چین دے شہری موجودہن ،جنہاں تاڑیاں وجا تے ایں تاریخی ایونٹ دا مشاہدہ کیتا ۔ وزیراعظم گوادر ایکسپو 2018ءاتے ڈو ڈینھ دی کانفرنس تے نمائش دا وی افتتاح کیتا جیں دا مقصد پاکستان تے چین دے انہاں تاجراں تے سرمایہ کاراں کوں ہک پلیٹ فارم مہیا کرنڑاںہے جیرھا جوپاک چین اقتصادی راہداری دے منصوبیں تے کم کریند?? پن ۔ وزیراعظم فری ز??ن دے مختلف حصیں، بزنس سینٹر اتے ایگزیبیشن ہال دا دورہ کیتا جتھاں مختلف کمپنیاں 100 توں ودھ سٹال لائے ہن۔ 60 ایکڑ تے مشتمل فری ز??ن کوں چائنہ اوورسیز پورٹ ہولڈنگ کمپنی چلیسی ۔
وزیراعظم شاہد خاقان عباسی گوادر فری زون دے پہلے فیز دا افتتاح کر ڈتا
مضمون کا ماخذ : لاٹری کے عمومی نمبر
متعلقہ مضامین
