اسلام آباد۔13جولائی (اے پی پی) صدر ډاكټر عارف علوي وئيلي دي د فصلونو پېداوار په زياتولو غذائي تحفظ باوري كولو سره سره په ګرانۍ قابو موندلے كېدے شي۔ د آم وېليو اېډيشن او د نوو منډيانو لټولو سره زياته زرمبادله ترلاسه كېدې شي۔ د بېلو ګامونه پورته كولو سره د پاكستان آم ګرده نړۍ كښې معارفي كېدې شي۔ اولس ته اپيل دے چې د اختر په موقعه په كورونا اېس او پيز عملدرآمد باوري كړي۔ د دې خيالاتو څرګندونه هغه د نهې په ورځ ايوان صدر كښې د مېنګو فيسټېول پرانستې غونډې ته خطاب كښې وكړه۔ صدر ووئيل پاكستان كښې د نړۍ تر ټولو غوره نهري نظام موجود دے۔ د هېواد زراعت ښه كولو له به پرله پسې هڅې كول وي۔ هغه ووئيل په پومبه فصل د چينجو مخنيوي سره پېداوار زياتېدے شي۔ په نړۍ كښې دا مهال د فصلونو يو په دوه او يو په درې پېداوار ترلاسه كېږي۔ مونږ له به د نړۍ د تجربو نه استفاده كولو سره د خپلو فصلونو پېداوار زياتول وي۔ هغه ووئيل پخوا د پنجاب كرونده ګرو د امريكائي زراعت په پرمختګ كښې مهم كردار ترسره كړے۔ هغه ووئيل د خوراك څښاك څيزونو بيعې مستحكمې ساتل ډېرې مهمې دي۔ د هېواد پېداوار زياتولو سره ګراني ختمېدې شي۔ هغه ووئيل په مېنګو فېسټيول كښې د ملتان ٬ حېدرآباد ٬ سكھر ٬ جھنګ ٬ شكار پور٬ خېر پور او اسلام آباد چېمبر آف كامرس اېنډ انډسټريز ګډون كوي۔ هغه ووئيل د پاكستاني آم خوند په ګرده نړۍ كښې نوم لري۔ بهر هېوادونو كښې د پاكستاني آم ذكر په وياړ سره كېږي او ملګرو ته د ډالۍ په توګه وړاندې كولې شي۔ تېر كال 17 هېوادونو ته د آم ډالۍ د معارفي كولو لپاره لېږلې شوي ۔ د روان كال په مهال د آمونو ډالۍ 37 هېوادونو ته لېږلې شي۔ هغه ووئيل د هيټ ټريټمنټ د لارې آم محفوظ ساتلے كېدے شي۔ هغه ووئيل دا مهال د پاكستاني آم برآمدات 2 ملین ټنه دے۔ د حكومتي ګامونو له امله به دا لا زيات شي۔ هغه ووئيل د زرعي پوهنتون په مرسته په ريسرچ كولو د دې پېداوار زياتېدے شي۔ صدر ووئيل حكومت هېواد كښې كاروباري هلې ځلې زياتولو له يو شمېره ګامونه پورته كړي كومو كښې چې ډیجیټل فنانسنګ او د کامیاب جوان پروګرام په شمول نور پروګرامونه شامل دي۔ د كورونا په اړه صدر ووئيل د كورونا وائرس وبا نوې چپه راغلې ۔ مونږ له به په دې كښې احتياط كول وي۔ هغه اولس ته غږ وكړو چې د اختر په موقع په كورونا اېس او پيز عملدرآمد باوري كړي۔ د تجارت پارليماني سېكرټري عاليه حمزه دستورې ته خپله وېنا كښې ووئيل د پاكستان موسم يو شمېر فصلونو له سازګار دے۔ هغې ووئيل اوسنے حكومت د آم په شمول د نورو مصنوعاتو برآمدات زياتولو له اړوندو ډلو سره په ګډه كار كوي۔ هغې ووئيل د آم پېداوار زياتولو او ویلیو اېډډ له وركنګ ګروپ جوړ كړے شوے۔ دستورې ته د ايوان صنعت وتجارت رحيم يار خان صدر بشير احمد او پخواني صدر عبد الروف مختيار هم خطاب وكړو۔ په دې مهال صدر په فيته پرېكولو د مېنګو فېسټيول پرانسته وكړه۔
د فصلونو پېداوار په زياتولو غذائي تحفظ باوري كېدے شي۔ د آم وېليو اېډيشن او د نوو منډيانو په لټولو زياته زرمبادله ترلاسه كېدې شي۔ د صدر ډاكټر عارف علوي دستورې ته خطاب
مضمون کا ماخذ : como jogar lotofácil
متعلقہ مضامین
