اسلام آباد۔22جون (اے پی پی):وزیراعظم عمران خان آکھیے جو پاکستان افغانستان اچ امریکا نال امن کیتے شراکت دار بݨݨ کوں تیار اے لیکن آپݨی سرزمین تے امریکی فوجی اݙے دی اجازت نہ ݙیسی ،اساں ایندے متحمل نی تھی سڳدے ، اساں پہلے وی ایندی باری قیمت چکائی اے ،افغانستان اچ کوئی ھک اساݙی پسندا دا کائنی ، کہیں وی ایجھی حکومت دے رلے کم کرݨ کیتے تیار ہیسے جیں کوں افغان عوام دا اعتماد حاصل ہووے ، خطے اچ امن و ترقی کیتے ھک نویں علاقائی میثاق دی لوڑھ اے ممتاز امریکی جریدے “واشنگٹن پوسٹ” اچ لکھیے ڳئے آپݨے مضمون اچ وزیر اعظم عمران خان آکھیے جو پاکستان افغانستان اچ امن کیتے امریکا دے نال شراکت دار بݨݨ کیتے تیار اے لیکن افغانستان توں امریکی فوج دے نکلݨ دے بعد اساں کہیں مزید جھیڑے دا خطرہ مل نہ گھنسوں ، انہاں لکھیے جے پاکستان افغانستان اچ بم مارݨ کیتے امریکا کوں اݙے ݙیوݨ تے راضی تھیندے جیں دے نتیجے اچ افغان خانہ جنگی تھیندی اے تاں اینکوں دہشت گرد بدلہ گھنݨ کیتے ول پاکستان کوں نشانہ بݨیسن ۔ اساں ایندے متحمل نی تھی سڳدے ۔ اساں پہلے وی ایندی باری قیمت چکائی اے ۔ جے امریکا جیڑھا جو تاریخ اچ ساریں توں ودھ طاقتور عسکری قوت دا حامل اے، افغانستان اچ 20 سال رہݨ دے بعد وی جنگ نی جت سڳیا تاں پاکستان اچ اݙے بݨا تے کیویں جت ویسی ؟ وزیر اعظم اپݨے مضمون اچ لکھیے جو افغانستان جیڑھا جو وݙے عرصے تئیں اوکھ دا شکر رہیے اتھاں اساݙے ھکو سویں مفادات ہن ۔ اساں چاہندوں جو اتھاں جھیڑے دا کوئی سیاسی حل نکلے ، استحکام، اقتصادی ترقی تھیوے تے دہشت گرداں دی کوئی پناہ گاہ نہ ہووے۔ اساں افغانستان اچ کہیں وی عسکری طاقت دے اقتدار سنبھالݨ دے خلاف ہیسے جیں توں مزید خانہ جنگی ودھ ویسی کیوں جو ھک گروپ ??ور?? ملک اچ کامیابی حاصل نی کرسڳدا اتے اے کہیں وی حکومت دی کامیابی کیتے طالبان دی شمولیت ضروری اے۔ وزیراعظم آکھیے جو ماضی اچ پاکستان متحارب افغان جماعتاں اچوں انتخاب کرتے غلطی کیتی لیکن اساں ایں تجربے توں سکھیے ، تاریخ ثابت ک??یندی اے جو افغانستان کوں ٻاہروں کنٹرول نی کیتا ونڄ سڳدا ۔ وزیراعظم آکھیے جو پاکستان افغانستان اچ جنگاں توں ٻہوں مشکلات دا سامݨا کیتے ، 70 ہزار توں ودھ پاکستانیاں آپݨی جان توں ہتھ دھوتے ، امریکا اساکوں 20 ارب ڈالر دی امداد ݙتی لیکن پاکستانی معیشت کوں 150 ارب ڈالر توں ودھ دا ضیان چاوݨاں پیا اتے پاکستان اچ سیاحت اتے سرمایہ کاری متاثر تھئی ۔ وزیراعظم آکھیے جو امریکی کوششاں دا حصہ بݨݨ دے بعد پاکستان دے شراکت دارتھیوݨ پاروں اینکوں نشانہ بݨایا ڳیا تے اے صورتحال تحریک طالبان پاکستان اتے ݙوجھے گروپاں ولوں اساݙے ملک دے خلاف دہشت گردی دا باعث بݨی ۔ امریکی ڈرون حملے جیں دے خلاف میں خبر دار کیتا ہئی، جنگ نی جت سڳیے لیکن انہاں دی وجہ توں امریکیاں کیتے نفرت پیدا تھئی تے ݙوہیں ملکاں دے خلاف دہشت گرد گروپاں دی تعداد ودھ ڳئی ۔ اپݨے مضمون اچ وزیراعظم عمران خان آکھیے جو کئی سالاں تئیں میݙا اے استدلال رہ ڳے جو افغانستان اچ مسئلہ دا کوئی فوجی حل کائنی ،امریکا پاکستان تے افغانستان دے نال رلے نیم خودمختار قبائلی علاقیں اچ پہلی واری فوجی دستے بھیجݨ کیتے دبائو پاتا ایں غلط توقع تے ایندے توں شورش داخاتمہ تھیسی ۔ ایں کائنی تھیا ایندے توں پہلے قبائلی علاقیں اچ ادھی آبادی کوں ھک توں ٻئی جاہ ونڄݨا پیا ۔ صرف شمالی وزیرستان اچ 10 لکھ لوکاں کوں ہجرت ک??ݨی پئی ۔ارباں ڈالر دا ضیان تھئے ??ور?? دیاں ??ور??اں وستیاں تباہ تھئن ۔ وزیراعظم آکھیے جو حملیں اچ عام شہریاں کوں تھیوݨ آلا ” ضمنی ضیان” پاکستانی فوج دے خلاف خود کش حملیں دا باعث بݨیا ۔ انہاں حملیں اچ شہید تھیوݨ آلے پاکستانی فوجیاں دی تعداد افغانستان اتے عراق ݙوہیں جاہ تے امریکی فوجیاں دی تعداد توں ودھ ودھ ہئی جݙاں جو ایندے نتیجے اچ اساݙے خلاف دہشت گردی وی ودھ ڳئی، صرف ھک صوبے خیبر پختونخوا اچ 500 پولیس اہلکار شہید تھئن۔ مضمون اچ وزیراعظم عمران خان آکھیے جو پاکستان اچ 30 لکھ توں ودھ افغان پناہ گزین ہن ۔
افغانستان اچ امریکا نال امن کیتے شراکت دار بݨݨ کوں تیار ہیسے ، فوجی اݙے دی اجازت نہ ݙیسوں ، وزیراعظم عمران خان
مضمون کا ماخذ : بہت سے نتائج
متعلقہ مضامین
