اسلام آباد 14 جنوری (اے پی پی)اولس مشر ډاكټر عارف علوي وئېلي دي جديد سائنسي ايجادات ګتوره او ذمه واره كارلو ته د ودې وركولو ضرورت دے٬د مصنوعي ذهانت په سبب امكانات او موقعې پراخه شوي ٬د نړيوالې ټولنې لخوا د كشمير په مسئله د اصولي پريكړې نه كولو له امله د پاكستان اولس مايوسه دے٬پاكستان په جنګ باور نه لري٬زمونږ جوهري صلاحيت امن او خپلې دفاع لپاره ضروري دے۔ده دا خبرې د نهې په ورځ په قائداعظم پوهنتون كښې د نړيوال اپلائيډ سائنسز اينډ ټېكنالوجي كنفرنس ته په خپله وېنا كښې وكړې۔اولس مشر د كنفرنس ستائنې كولو سره ووئيل نن نړۍ د علم پراخه تبادلې ته اړتيا ده ٬په دې لړ كښې دا كنفرنس خوشبينه دے٬اولس مشر كنفرنس لپاره د سائنسي مضوعاتو ټاكنه وستائېله او د سائنس په څانګه كښې يې د خپلې خوښۍ نه ګډون كوونكي خبر كړل۔ده ووئيل د سائنس په څانګه كښې هر يو نوې پرمختګ او ايجادات ډېر مهم وي۔دا د اړوندو څانګو د پالېسي جوړونكو ذمه واري ده چې دوي د دې ايجادات ذمه واره كارولو ته وده وركړي۔اولس مشر ووئيل كله چې د انسان تاريخ اوكتلې شي نو معلومېږي چې زياتره انساني پريكړې د جذباتو په بنياد شوي۔د انسان دماغ زبردست صلاحيتونه لري خو دې سره هم مونږ خپل تصورات د تجربات په رڼا كښې جوړوو چې پكښې د جانبدارۍ عنصر څرګند وي۔د سائنسي ايجادات كارولو په لړ كښې د دې اړخ تر نظره ساتلو ضرورت دے۔ ده ووئېل خلق د جديد سائنسي ايجاداتو استعمال په اړه انساني ټولنې له فكر مند دي۔اولس مشر ووئيل د جديدو سائنسي ايجاداتو ګتوره او ذمه واره كارلو ته د ودې وركولو ضرورت دے ٬د مصنوعي ذهانت په سبب امكانات او موقعې پراخه شوي ۔ ده ووئېل د نړيوالې ټولنې لخوا د كشمير په مسئله د اصولي پريكړې نه كولو له امله د پاكستان اولس مايوسه دے٬پاكستان په جنګ باور نه لري٬زمونږ جوهري صلاحيت امن او خپلې دفاع لپاره ضروري دے ۔اولس مشر په كنفرنس كولو انتظامېې له مباركي وركړه او وې وئېل د نړۍ بېلا بېل استازي په دې كښې ګډون كوي٬هيله ده چې د دې كنفرنس په نتيجه كښې به پاكستان كښې د سائنسي پرمختګ او سائنسي ايجاداتو ګټوره كارولو له لارښونه باوري شي
د اولس مشر ډاكټر عارف علوي په قائداعظم پوهنتون كښې د نړيوال اپلائيډ سائنسز اينډ ټېكنالوجي كنفرنس ته وېنا
مضمون کا ماخذ : جیک اور بین اسٹالک
متعلقہ مضامین
